Franca prezidento kaj gvidantoj de aliaj landoj ĉeestos duan ĈIIE

Proparolanto de la Ministerio de Eksterlandaj Aferoj Hua Chunying anoncis merkrede, ke laŭ la invito de ĉina prezidanto Xi Jinping, gvidantoj de kvar landoj ĉeestos la malferman ceremonion kaj rilatajn aranĝojn de la dua Ĉina Internacia Importa Ekspozicio (ĈIIE), kiu daŭros de la 5a ĝis la 10a de novembro en Ŝanhajo.

Hua diris, ke la gvidantoj inkluzivas francan prezidenton Emmanuel Macron, grekan ĉefministron Kyriakos Mitsotakis, jamajkan ĉefministron Andrew Holness kaj serban ĉefministron Ana Brnabic.