Ĉefo de UN: Israelaj setlejoj en okupata palestina teritorio ne havas leĝan validecon

(GMT+08:00) 2019-11-28 11:16:35     Redaktoro:Yu

Ĝenerala sekretario de la UN, Antonio Guterres, merkrede diris, ke la setleja konstruado de Israelo en la okupata palestina teritorio ne havas "leĝan validecon" kaj estas "publika malobservo" de internacia leĝo.

Guterres faris la rimarkojn en sia mesaĝo por la Internacia Tago de Solidareco kun la Palestina Popolo. Li diris, ke solvi la israela-palestinan konflikton restas unu el la plej malfacilaj defioj alfrontitaj de la internacia komunumo. Bedaŭrinde, dum la pasinta jaro, estis neniu pozitiva disvolviĝo, kaj la loka situacio daŭre malboniĝis.

La mesaĝo estis legita de Maria Luiza Ribeiro Viotti, direktoro de lia oficejo al kunveno okazigita de la Komitato de la UN pri Plenumo de la Neforpreneblaj Rajtoj de Palestina Popolo por festi la internacian tagon.

Guterres diris, ke la intensigo de kontraŭleĝaj setlejoj, malkonstruoj de palestinaj hejmoj kaj la ĝenerala sufero en Gazao devas esti ĉesigitaj. Li aldonis, ke ĉi tiuj agoj eble subfosos la fareblecon establi palestinan ŝtaton surbaze de koncernaj rezolucioj de la UN.

Fotaro

© China Radio International.CRI. All Rights Reserved.Pri ni   |  Kontaktu Nin