Irano promesis puni tiujn respondecajn pri kraŝo de ukraina aviadilo

Laŭ la retejo de la ukraina prezidento, sabate vespere irana prezidento Hassan Rouhani telefone konversaciis kun sia ukraina paralelulo Volodymyr Zelensky. Rouhani petis pardonon pro la neintenca paffaligo de la pasaĝeraviadilo de la ukraina flugkompanio kaj promesis puni ĉiujn respondecajn pri la tragedio.

En la nomo de la irana popolo, Rouhani unue petis pardonon. Li konfesis, ke la ukraina aviadilo kraŝis pro erara agado de la irana armeo, kaj ke la ukraina specialista grupo akiros ĉiajn necesajn subtenojn por trakti sekvojn per efika kunlaboro en leĝa kaj teknika kampoj. Rouhani aldonis, ke li ordonos transdoni al Ukrainio kadavrojn de ukrainaj viktimoj kiel eble plej rapide.