Lavrov: Progresis intertraktado inter partioj de libia konflikto

(GMT+08:00) 2020-01-14 12:32:00     Redaktoro:Yu

Rusa ministro pri eksterlandaj aferoj Sergei Lavrov diris lunde, ke tiutage en Moksvo la du partioj de la libia konflikto akiris certan progreson en intertraktado pri batalhalto de la interna milito.

Rusaj amaskomunikiloj raportis, ke sub la mediaciado de ministroj pri eksterlandaj aferoj kaj defendaj ministroj de Rusio kaj Turkio, gvidantoj de la du partioj de Libio okazigis kelkhoran nerektan intertraktadon en Moskvo. Lavrov diris, kiam li resumis rezultojn de la intertraktado, ke certa progreso estis farita en la intertraktado. Gvidanto de la libia registaro de nacia akordo subskribis la interkonsenton pri batalhalto, dum gvidanto de la libia nacia armeo Khalifa Haftar diris, ke ili bezonas esplori la interkonsenton kaj faros finan decidon marde matene.

Laŭ la interkonsento, la du partioj devas efektivigi senkondiĉan batalhalton kaj stabiligi la situacion en la ĉefurbo Tripolo kaj aliaj urboj. Krome, ili devas formi mediacian laborgrupon kaj okazigi ĝian unuan kunvenon en tiu ĉi monato.

Fotaro

© China Radio International.CRI. All Rights Reserved.Pri ni   |  Kontaktu Nin