Ĉinio fortigos preventon de sensimptomaj infektoj per nova kronviruso

(GMT+08:00) 2020-03-31 13:17:44     Redaktoro:邱杰明

La gvidgrupo de la ĉina reago al la nov-kronvirusa malsano lunde emfazis la regadon de kazoj de infektoj, kiuj montras neniun simptomon. La grupo gvidata de ĉefministro Li Keqiang vokis plibonigi preventajn kaj regadajn strategiojn kaj rimedojn por revenigi ekonomian kaj socian disvolvadon sur la normalan vojon en frua dato.

Li, ankaŭ membro de la Konstanta Komitato de la Politika Buroo de la Centra Komitato de la Komunista Partio de Ĉinio (KPĈ), prezidis la kunvenon.

La kunveno montris, ke la pozitiva tendenco en la bridado de la enlanda epidemio daŭre grandiĝas kaj la rekomenco de laboro kaj produktado estas antaŭenigita en orda maniero. Ĝi emfazis, ke la mondo tamen ankoraŭ batalas kontraŭ la novkronvirusa pandemio, kaj la riskoj kaj malfaciloj de epidemia reteno en la lando devas esti plene rekonataj.

La kunveno alvokis pliajn klopodojn por kuracado de severaj pacientoj kaj kvaranteno kaj sekvaj vizitoj al resanigitaj pacientoj, instigante lokajn aŭtoritatojn publikigi koncernajn informojn kun malfermiteco kaj travidebleco.

La kunveno diris, ke ankaŭ translanda transmisio devas esti malhelpita plu, kaj emfazis, ke ĉiuj vojaĝantoj enirintaj en la landon devas esti ekzamenitaj per nukleacida provilo. Ĝi diris ankaŭ, ke por firmigi la atingojn en epidemia reteno, pli da klopodoj devas esti faritaj en monitorado, spuro, kvarantenigo kaj traktado de sensimptomaj pacientoj.

Fotaro

© China Radio International.CRI. All Rights Reserved.Pri ni   |  Kontaktu Nin