Oficialulo: Mensogoj kaj timigo neniam efikos sur Honkongo

La Oficejo pri Honkongaj kaj Makaaj Aferoj de la Ŝtata Konsilio lunde rebatis Usonon pri ĝia minaco al Honkongo per sankcioj.

Proparolanto diris, ke uzante la altan aŭtonomecon de la urbo sub "Unu Lando, Du Sistemoj", la registaro de la Honkonga Speciala Administracia Regiono (HSAR) ankoraŭ firme sin devontigas al plenumado de siaj internaciaj respondecoj kaj interkonsentoj kun ĉiuj landoj.

La proparolanto diris ankaŭ, ke la movo de Usono pri efektivigo de sankcioj kontraŭ Honkongo estas nenio alia ol mensogo kaj timigo. Li emfazis, ke la decido leĝdoni pri nacia sekureco por Honkongo celas malebligi, haltigi kaj puni agojn kaj aktivecojn endanĝerigantajn nacian sekurecon kaj helpi al la urbo restarigi pacon kaj sekurecon. Li aldonis, ke tiaj paŝoj estas necesaj pro tio, ke la azia financa centro vidis furiozajn protestojn de organizoj de "honkonga sendependeco" kaj perfortaj radikaluloj kaj ankaŭ senhontan intervenon de eksteraj fortoj.