La 17-an de marto Medicina Komisiono de la Internacia Olimpika Komitato publikigis rezulton de analizo kaj taksado pri pekina aerkvalito, opiniante, ke aŭguste la pekina aerkvalito plejparte ne damaĝos la sanon de sportistoj partoprenantaj la olimpikojn.

En sia deklaro la Medicina Komisiono diris, ke en la lastaj semajnoj, laŭ koncernaj normoj de la Monda Organizo pri Sano, la komisiono analizis kaj taksis donitaĵojn pri pekina aerkvalito, notitajn kaj liveritajn de la Pekina Mediprotekta Administracio aŭguste de la lasta jaro; la komisiono estas kontenta pri rezulto de la taksado kaj opinias, ke plejparto de sportistoj ne estos damaĝata.