Verkis Xu Zhimo
Elĉinigis Vejdo
se estus mi neĝero
leĝere firtanta en aero
mi devas teni la direkton—
flirte, flirte, flirte
direkte al la tero
mi volas flugi ne al val' soleca
nek al montĉeno trista
nek al dezertaj stratoj por lamenti
flirte en libero
vidu, mi tenas la direkton
mi dancas ĉarme sur ĉielo
jam celas al kvieta la loĝsfero
atendas ŝin alveni por vizito en ĝardeno
flirte, flirte, flirte
aĥ, ŝi odoras per arom' de cinabra umeo
mi tiam pere de korpa leĝero
malpeze alkroĉiĝos al vestbrusto ŝia
sin premos al mildonda sino ŝia
fandiĝos, fandiĝos, fandiĝos
en ŝian mildan bruston kun tolero