Ma-ma (trad.) | Zhuang Qixiong | Ĉinio

                  Ma-ma

         Verkis Feng Yitong

     Tradukis Zhuang Qixiong

Troviĝas en vokaloj via vasto

Kaj en ĉi konsonantoj via mildo.

Per l' inaj nomoj lakte belskribitaj

Vin literumas sankta la vivbildo.

Mi ĉiam vin alvokas pro malvarmo,

Malsato, kaj eĉ en kriza situaci'.

La kodo de espero, karesnomo de prizorgo kaj sindono,

Sub la ĉielo blua la mondlingv' unika estas vi.

Vi, panjo, ma-ma,

Oferas ĉion kion vi posedas

Al ni sen avaro,

Vi tamen nur okupas spacon la plej pokan

En dikvoluma "la Vortmaro".