Aŭtuna sunsubiro | Luiza CAROL | Israelo

(GMT+08:00) 2018-10-17 10:18:16     Redaktoro:Ema

                        AŬTUNA SUNSUBIRO

                               Luiza CAROL

                                                         (laŭ la vjetnama poemformo "ses ok")

 

Fajra ov' ruliĝas

en ĉielo, iĝas

                            ora

kaj oranĝkolora

en alteco fora.

                            Maro

ŝajnas flua fajro

en spegulondaro.

                            Iĝas

vente, malvarmiĝas.

Kvazaŭ frakasiĝas

                            l'ovo

fajra, en la blovo

venta kaj la movo

                            nuba.

Ruĝas maro suba,

ruĝas ĉiel' supra.

                            Fora

nub' violkolora

rampas alg-odora.

                            Ombraj

formoj multenombraj

amasiĝas sombraj.

                            Venas

blovo kiu sternas

nokton. Lumo tremas,

                            svenas.

Fotaro

© China Radio International.CRI. All Rights Reserved.Pri ni   |  Kontaktu Nin