KIE ESTAS L'ANĜELO EN LA HOM'  | Persida RUGU | Rumanio

KIE ESTAS L'ANĜELO EN LA HOM'

              Persida RUGU

(Persida RUGU estas elstara nuntempa poetino, kiu verkas en la rumana kaj loĝas en Rumanio.)

      Esperantigita de Luiza CAROL

Sed kie estas l'anĝelo en la hom'

kiam ĉio jam superas nian volon

kaj larmo kiel frukto en la arb'

maturiĝas kun odoroj de aloo

Sed kie estas l'anĝelo en la hom'

dum dormo kiam vundon li atingas

soleca kiel vento en dezerta tur'

fandiĝas li ĉe pord' enkatenita

Sed kie estas l'anĝelo en la hom'

vespere kiam flamo diseriĝas

literoj el la libro jam perdiĝas

en fumo de kandelo forviŝiĝas

Sed kie estas l'anĝelo en la hom'

* ALOO (latine: aloe) = genro de sukulentaj plantoj.