Zhuangzi (trad.) | Wang Chongfang | Ĉinio §26-11

ZHUANGZI

庄子

esperantigita de WANG CHONGFANG

王崇芳译

ĈAPITRO DUDEK-KVINA

Peng Zeyang

则阳

§26

§26-11

La kvieteco helpas retrovi la sanon; la masaĝo sur la palpebroj helpas preventi la kadukiĝon; la animpaco helpas estingi la ekscitiĝon. Malgraŭe ĉio ĉi tio estas utila nur al tiuj, kiuj estas troŝarĝitaj per laboro mensa aŭ korpa. La homoj, kiuj ĝuas internan pacon kaj senzorgecon donas nenian atenton al tiu ĉi spertado de la lacigitoj. La sanktulo ne zorgas pri tio, kion faras la sagaca homo por mirigi la mondon; la saĝulo ne zorgas pri tio, kion faras la noblulo por mirigi la regnon; la noblulo ne zorgas pri tio, kion faras la vulgarulo por adaptigi sin al la tempoj.

静然可以补病，眦媙可以沐老，宁可以止遽。虽然，若是劳者之务也，非佚者之所未尝过而问焉；圣人之所以骇天下，神人未尝过而问焉；贤人所以骇世，圣人未尝过而问焉；君子所以骇国，贤人未尝过而问焉；小人所以合时，君子未尝过而问焉。