Tagmeze de la sama tago, piede portante tiajn skiojn memfaritajn, pli ol 30 sportistoj vestitaj per naciminoritataj kostumoj, flugrapide stiradis sledojn faritajn el la besta ledo sur la neĝkovrataj montdeklivoj, manifestante la brilan skiadan arton, kaj turistoj spektantaj lokale estis ravitaj de tiu spektakla bildo. S-ino Wu Fengxia el Urumĉio, ĉefurbo de la Xinjiang-a Ujgura Aŭtonoma Regiono, diris:

"Mi estas ege emociita kaj mirigita pro tio, ke lokaj naciminoritatanoj tiel bone rezervas sian tradician kulturon. Mi ankaŭ intencas min provi en skiado, ĉar la sceno estas vere alloga."

Ankaŭ s-ro Zheng Libo el la ĉina nordorienta urbo Jilin estis forte impresita. Li diris:

"Neniam antaŭe mi spektis tian belan bildon, vere mirinde! La tradicia skiada konkurso donis al ni gravan edifon, ke de longa longa tempo, homoj pene luktas kontraŭ la naturo kaj samtempe harmonie kunekzistas kun la naturo, tio estas tre agrabla kaj pensiga."

Dank' al okazigo de la festivalo, la naturaj pejzaĝoj, naciminoritataj moroj kaj kulturaj vidindaĵoj de Kanas havas la grandan renomon en la tuta lando. S-ro Zhang Zhili el Pekino diris:

"Evidente, la kulturaj heredaĵoj estas bone konservataj, tio havas gravan signifon por levi edukitecon de homoj kaj protekti turisman profitfonton."

S-ro Wang Yitao, prezidanto de la Ĉina Skiista Asocio, jam spektis glaci-neĝajn sportojn en diversaj mondpartoj, sed estas la unua fojo por li spekti tiel originalan skiadan konkurson. Li diris:

"Tiu ĉi profitfonto apartenas ne nur al Aletai kaj Kanas, sed ankaŭ al la tuta ĉina popolo. Ni devas perfektigi ĝin, por ke ĝi fariĝu bona turisma kaj feria vizitindejo de la ĉina popolo kaj la monda popolo."