La provincoj Helongjiang, Jilin kaj Liaoning, troviĝantaj en la nordorienta parto de Ĉinio, estas la industria lulilo de Ĉina Popola Respubliko. Ili faris historiajn kontribuojn por starigo de la sendependa kaj kompleta industria sistemo kaj nacia ekonomia sistemo de Ĉinio. Sed delonge pro influo el faktoroj de la sistemo kaj kontraŭdiro de la strukturo kaj ankaŭ pro krepuskiĝo de iuj entreprenoj la merkata konkurencivo de tiu ĉi malnova industria bazloko malfortiĝis, precipe iuj urboj apogitaj sur resursecaj entreprenoj alfrontas grandegan malfacilon. La diferenco inter tiu ĉi malnova industria bazloko kaj marbordaj regionoj en la ekonomia disvolviĝo evidente grandiĝas.

Rilate al tiuj ĉi problemoj, la 16-a Tutlanda Kongreso de la Komunista Partio de Ĉinio, okazinta en 2002, decidis rapidigi la reguligadon, reformadon kaj reprosperigon de la malnova industria bazloko.