Ĉina unua priluna sondilo – ĉirkaŭluna sondsatelito "Chang'e n. 1", esplorita kaj farita memdecite de Ĉinio, estas lanĉota laŭplane de la 24-a ĝis la 26-a de oktobro en la Satelit-Lanĉa Centro en Xichang. La unua elektita tempo por lanĉo estas ĉirkaŭ 18-a horo de la 24-a de oktobro.
Tion informis proparolanto de la ĉina Ŝtata Spaciala Administracio Li Guoping, la 22-an de oktobro en Pekino. Li diris, ke la satelito planite flugos en orbiton transiran de la tero al la luno en la 31-a de oktobro kaj ekflugos al la luno, la 5-an de novembro rotacios en la orbiton de la luno kaj en la lasta tagdeko de novembro telesendos la unuan bildon pri la luno. La satelito poste laboros unu jaron por fari sciencan sondadon al la luno.
La proparolanto diris ankaŭ, ke delegitoj de iuj eksterlandaj spacialaj administracioj invitie observos la lanĉon. Ĉinio disvolvas internacian kunlaboron sur la spaciala kampo kun alilandaj kolegoj, kun la principo "egaleco, reciproka utilo, paca utiligo kaj komuna disvolvo" |
