Frumatene de la 16-a de aprilo je 25 minutoj post la nul-horo, laŭ la loka tempo, la speciala aviadilo, transportanta la olimpikan flamon, atingis Islamabadon, la ĉefurbon de Pakistano. Islamabado estas la 10-a stacio de la monda vojaĝo de la olimpika torĉo kaj por ĝi estas la unua fojo renkonti la olimpikan torĉon.

Jiang Xiaoyu, plenuma vicprezidanto de la Pekina Olimpika Organiza Komitato, descendis de la aviadilo, kun la fajrosemo en la manoj. Syed Arif Hasan, prezidanto de la Pakistana Olimpika Komitato, kaj Luo Zhaohui, ĉina ambasadoro en Pakistano, ĉeestis al la bonveniga ceremonio.

La torĉa stafetado komenciĝos posttagmeze de la 16-a je la 4-a horo. Entute 65 torĉoportistoj partoprenos la stafetadon en Pakistano.