Merkrede matene la pasaĝerŝipo Sewol kun 462 homoj sinkis en la sudokcidenta maro de Sud-Koreio. Ĝis la vespero de tiu tago 284 homoj restas netrovitaj. Ĉar vespere la submara serĉado renkontis malfacilon, la sud-korea marborda gvardio decidis portempe haltigi la serĉadon.
Iom pli malfrue en tiu tago sud-korea respondeculo pri la savado konfirmis, ke en la ŝipo estis 462 homoj, inkluzive de pli ol 300 lernantoj el la supera mezlernejo Danwon de la urbo Ansan de la provinco Gyeonggi, kiuj iris al la insulo Jeju por vojaĝa lernado.
