Vizitu Forumon

Rusio-favoraj fortoj en orienta Ukrainio deklaris okazigon de plebiscito

(GMT+08:00) 2014-04-23 11:10:24     Redaktoro:肖恒刚

Lastatempe la situacio en sudorienta Ukrainio senĉese serioziĝis. Marde la provizora koalicia registaro de la Donecka Popola Respubliko, fondita de manifestaciantoj, kiuj subtenas federaciigon, okazigis gazetaran konferencon kaj anoncis okazigon de plebiscito en la 11a de majo. Ankaŭ la Rusio-favoraj fortoj en la alia orienta regiono Luhansko anoncis okazigon de plebiscito. Tiutage la aganta ukraina prezidento Oleksander Turchynov postulas al la armeo kaj polico rekomenci kontraŭteroristan agon en orienta parto de la lando. Samtempe la internacia komunumo intense konsiliĝas.

La retejo de ukraina parlamento marde publikigis deklaron de Turchynov. La deklaro postulas al potencaj departementoj rekomenci kaj preni efikajn kontraŭteroristajn rimedojn por protekti civitanojn en orienta Ukrainio.

En la sama tago Turchynov kaj ĉefministro Arseniy Yatsenyuk respektive intervidiĝis kun vizitanta vicprezidento de Usono Joseph Biden. Poste en gazetara konferenco, Biden diris, ke Usono ne agnoskas la rusan kontraŭleĝan okupadon de Krimeo por ĉiam. Usono klopodos por unueca Ukrainio. Li diris, ke Usono helpas Ukrainion solvi problemon de energiprovizado kaj prenos rimedojn por ke neniu lando povu preni energifonton kiel politikan armilon kontraŭ Ukrainio kaj Eŭropo. Li diris ankaŭ, ke Usono decidis asigni 50 milionojn da usonaj dolaroj al Ukrainio por helpi disvolvadon de Ukrainio en ĉiuj kampoj.

Yatsenyuk diris, ke la rusa instanco devas tuj retiri siajn specialajn trupojn el orienta Ukrainio. Li diris ankaŭ, ke Ukrainio esperas fari vastan kunlaboron kun Usono kaj Eŭropo en la kampo de energifonto por liberiĝi de la dependo de Rusio.

Viaj Komentoj
konfeso    
Anonco
Forumo
Nomo
Pasvorto