Ĉina ĉefministro Li Keqiang lunde posttagmeze prelegis en la negoca pintkonferenco de Ĉinio kaj Eŭropa Unio. La ĉeestantoj donis pozitivan taksadon al lia prelego, opiniante, ke la prelego estas inspira kaj eligis klaran signalon de kunlaboro inter Ĉinio kaj EU.

Markus J. Beyrer, ĝenerala sekretario de la Eŭropa Negoca Federacio, diris, ke la prelego de ĉefministro Li Keqiang donis al li profundan impreson kaj komunikis tre klaran signalon, nome intensigi kunlaboron precipe en investo. Li aldonis, ke la prelego donis tre bonan fundamenton por profundigi la kunlaboron kaj levis ilian konfidon pri kunlaboro.