Novaĵoj (Aŭgusto 11)

Saluton, karaj amikoj! Mi estas Jianping kaj kore bonvenigas vin al nia Esperanta programo. Estas la 11-a de aŭgusto, marde. Hodiaŭ unue ni elsendos kelkajn novaĵojn. Vi informiĝos pri tio, ke prezidanto Xi gratulas Lukashenko pro lia reelektiĝo kiel belorusa prezidento; Ĉinio enkondukis sankciojn kontraŭ 11 usonaj oficialuloj. Nun bonvole aŭskultu novaĵojn.

Ĉina prezidanto Xi Jinping lunde sendis gratulojn al Alexander Lukashenko nome de Ĉinio pro lia reelektiĝo kiel prezidento de Belorusio.

Xi diris, ke Ĉinio atribuas grandan gravecon al rilatoj kun Belorusio kaj laboros plu kun Lukashenko por antaŭenigi la ampleksan strategian partnerecon inter la du landoj, profundigi reciprokprofitan kunlaboron en diversaj kampoj, kaj porti avantaĝojn al la du landoj kaj iliaj popoloj. .

Proparolanto de la ĉina Ministerio de Eksterlandaj aferoj Zhao Lijian diris en ĉiutaga gazetara konferenco, ke Belorusio estas ampleksa strategia partnero kaj “fera amiko” de Ĉinio, kaj ke Ĉinio ĉiam respektas la elekton de la belorusa popolo. Zhao aldonis, "Ni kredas, ke sub la gvidado de prezidento Lukashenko, Belorusio akiros novan progreson en diversaj aferoj.”

Proparolanto de la ĉina Ministerio de Eksterlandaj Aferoj, Zhao Lijian, diris en gazetara konferenco, ke Ĉinio lunde anoncis sankciojn kontraŭ 11 usonaj oficialuloj kun tre malbonaj registroj pri honkongaj aferoj.

Zhao faris la anoncon responde al la peto por komento pri la tiel nomataj sankcioj de la usona registaro kontraŭ 11 oficialuloj de la ĉina centra registaro kaj la Honkonga Speciala Administracia Regiono (HSAR). Li diris, ke Ĉinio faris la decidon por respondi al la malbona konduto de la usona flanko. La sankcioj, validaj ekde lundo, estas aplikitaj kontraŭ usonaj oficialuloj, inkluzive de senatanoj Marco Rubio, Ted Cruz, Josh Hawley, Tom Cotton kaj Pat Toomey, reprezentanto Chris Smith, kaj Carl Gershman, prezidanto de la Nacia Mondonaco por Demokratio, Derek Mitchell, prezidanto de la Nacia Demokratia Instituto, Daniel Twining, prezidanto de la Internacia Respublika Instituto, Kenneth Roth, plenuma direktoro de Observejo de Homaj Rajtoj, kaj Michael J. Abramowitz, prezidanto de la Hejmo de Libereco.

Zhao diris, ke Ĉinio firme malakceptas kaj kondamnas la tiel nomatajn sankciojn de la usona registaro kontraŭ ĉinaj oficialuloj. Li emfazis, ke la usona konduto publike enmiksiĝas en honkongajn aferojn, krude intervenas en la internajn aferojn de Ĉinio, kaj grave malobservas internacian leĝon kaj bazajn normojn pri internaciaj rilatoj. Li diris, ke Honkongo estas parto de Ĉinio kaj ĝiaj aferoj estas tute internaj aferoj de Ĉinio, kiuj permesas neniun alilandan intervenon. "Ni instigas al la usona flanko kapti la situacion, korekti sian eraron, kaj tuj ĉesi interveni en honkongajn aferojn kaj la internajn aferojn de Ĉinio."

Proparolanto de la Honkonga Speciala Administracia Regiono (HSAR) diris lunde, ke la registaro de la HSAR plene subtenas la kontraŭrimedojn de la centra registaro al Usono kaj faciligos ĝian plenumadon.

Responde al la tiel nomataj "sankcioj" maljuste enkondukitaj de la usona registaro kontraŭ oficialuloj de la centra registaro kaj la registaro de la HSAR antaŭ kelkaj tagoj, la ĉina Ministerio de Eksterlandaj Aferoj lunde anoncis sankciojn kontraŭ 11 homoj el Usono.

La proparolanto diris, ke la centra registaro kaj la registaro de la HSAR plurfoje esprimis firman oponon kontraŭ la agoj de Usono, kaj la centra registaro ankaŭ emfazis, ke ĝi rezervas la rajton alpreni kontraŭrimedojn.

La proparolanto aldonis, "La efektivigo de sankcioj kontraŭ 11 homoj el Usono fare de la centra registaro responde al ĝia erara ago estas necesa por protekti la interesojn de nia nacio. La registaro de la HSAR plene subtenas la movon kaj faciligos ĝian plenumadon laŭ la leĝo.”

“Ĉinio ne interesiĝas pri la usona prezident-elekto kaj neniam intervenis en ĝin,” ĉina proparolanto reasertis lunde responde al deklaro de altranga usona informa oficialulo, ke Ĉinio intensigas klopodojn por influi la elekton.

Zhao Lijian, proparolanto de la Ministerio de Eksterlandaj Aferoj, diris en gazetara konferenco, ke iuj usonaj individuoj devas ĉesi treni Ĉinion en la usonajn internajn aferojn. Li urĝis ilin esti respondecaj pri sia kredindeco kaj figuro de sia lando, kaj ĉesi kalumnii Ĉinion.

Zhao diris, "Ni nin devontigas al disvolvado de ĉina-usonaj rilatoj de ne-konflikto, ne-konfrontado, reciproka respekto kaj kungajna kunlaboro, kaj firme protektas niajn suverenecon, sekurecon kaj disvolvajn interesojn.”

La germana semajna revuo Der Freitag lunde aperigis artikolon, dirante, ke Ĉinio estas pli fidinda partnero, kaj Eŭropo ne devas sekvi histerion de Usono.

La artikolo diras, “La Ĉina Popola Respubliko fariĝos tre grava partoprenanto en monda politiko. En la lastaj tri jaroj, rilatoj inter Ĉinio kaj Usono rapide malboniĝis. Usono elektis konfrontadon kun Ĉinio en diversaj kampoj, kaj pro tio Pekino havas neniun alian elekton ol doni severan respondon. Ŝajnas, ke ankaŭ eŭropanoj ne estas rigardataj de Usono kiel egalaj partneroj. Estas malfeliĉe, ke iuj eŭropanoj eble sekvos la volon de Usono. Sed, almenaŭ la registaro de Merkel estas sufiĉe prudenta por eviti sian implikiĝon en la konfrontado kun Ĉinio.”

La artikolo atentigas, ke rigardi Ĉinion kiel ĉefan malamikon estas nepardonebla kaj neriparebla eraro. Estas antaŭvideble, ke tio kaŭzos eskaladon de la ludo "denton pro dento". Eŭropaj registaroj kaj ministroj pri eksterlandaj aferoj ne devas respondi al la voko de Usono pri "komuna opono kontraŭ Ĉinio". Neniu lando povas ignori la forton de Ĉinio en la kampoj de teknologio, scienco, ekonomio kaj financo, aŭ intence trakti ĉi tiun landon malbone. Eŭropanoj ne bezonas doni atenton al la agoj de iuj usonaj altranguloj, kiuj celas reteni la mirigan leviĝon de Ĉinio kiel la ĉefa komerca kaj ekonomia potenco de la mondo.

La artikolo diras ankaŭ, “Ĉinio estas ne nia kontraŭulo nek nia malamiko, sed ĉiam pli grava tutmonda partnero. Estas neniu kialo, ke Eŭropo aliĝu al la furioza kontraŭĉina agado de Vaŝingtono. Male, estas sufiĉaj kialoj, ke ni estu pretaj por Ĉinio, la plej grava tutmonda partoprenanto antaŭvidebla en ĉi tiu jarcento.”

La ĉina Ministerio de Eksterlandaj Aferoj lunde kondamnis la viziton de usona sekretario pri sano kaj publikaj servoj Alex Azar al Tajvano, instigante al Vaŝingtono ĉesigi ĉiajn oficialajn interagojn kaj kontaktojn kaj altgradigon de esencaj rilatoj kun la insulo.

La rimarkoj estis faritaj de proparolanto de la Ministerio de Eksterlandaj Aferoj Zhao Lijian responde al demando pri la vizito de Azar en gazetara konferenco en Pekino.

Zhao diris, "Ĉinio konstante kaj firme oponas la oficialajn interagojn inter Usono kaj Tajvano, kaj ni postulis seriozan traktadon kun la usona flanko. Ni instigas al la usona flanko observi la principon pri unu Ĉinio kaj la kondiĉojn de tri ĉina-usonaj komunaj komunikaĵoj, ĉesigi ĉiajn oficialajn interagojn kaj kontaktojn kaj altgradigon de esencaj rilatoj kun la insulo kaj trakti demandojn pri Tajvano singarde kaj konvene, por ne grave damaĝi ĉina-usonan kunlaboron en gravaj kampoj kaj ankaŭ pacon kaj stabilecon de la Tajvana Markolo.”

Finiĝis la novaĵoj!