Respondo al la "jarcenta demando" dependas de usona agado

Ĉina prezidanto Xi Jinping kaj usona prezidento Joe Biden vendrede okazigis malferman, profundan kaj ampleksan strategian interŝanĝon de opinioj pri rilatoj inter Ĉinio kaj Usono kaj aferoj de reciprokaj interesoj en telefona konversacio.

Ĝi estis la dua telefona konversacio inter la ŝtatestroj de Ĉinio kaj Usono en preskaŭ sep monatoj. Kiel la plej granda evoluanta lando kaj la plej granda evoluinta lando en la mondo, la demando estas ĉu Ĉinio kaj Usono kapablas bone labori unu kun la alia. Ĉi tiu demando temas pri la estonteco de la mondo kaj ĝi estas "demando de la jarcento", kiun ambaŭ landoj devas bone respondi.

La rilatoj inter Ĉinio kaj Usono estas en senprecedence malfacila pozicio, ĉar Usono misjuĝis Ĉinion en sia strategio, traktis Ĉinion kiel "imagan malamikon", kaj sieĝis kaj subpremis la popolan respublikon tra la mondo. Se Usono volus bonigi la rilatojn, ĝi devus ŝanĝi siajn malĝustajn politikojn pri Ĉinio kaj haltigi trakti Ĉinion kiel minacon kaj rivalon kaj subfosi interesojn pri la suvereneco, sekureco kaj disvolviĝo de Ĉinio.

Dum la konversacio, usona prezidento Joe Biden sendis signalojn pri aktivaj dialogo kaj kunlaboro, identigante la rilatojn inter Usono kaj Ĉinio kiel la plej gravan duflankan rilaton por la mondo kaj montrante, ke ne necesas, ke la du landoj enirus en konflikton dum konkurenco.

Sed tio pli gravas, ke la vortoj devas kongrui kun la faroj. Antaŭe, dum la unua telefona konversacio antaŭ Printempa Festo, Biden diris, ke Usono kaj Ĉinio devas eviti konfliktojn, miskomprenojn kaj miskalkulojn, sed en la pasintaj sep monatoj Usono intensigis sian retenadon kaj sieĝon kontraŭ Ĉinio paŝon post paŝo. Do estas pli grave, ke Vaŝingtono vere agas kaj plenumas siajn promesojn.

Ĉina-usona kunlaboro ne povas esti apartigita de la ĝenerala kunteksto de dulandaj rilatoj. Usono ne povas unuflanke enhavi kaj subpremi Ĉinion kaj samtempe atendi senkondiĉan kunlaboron kun la ĉina flanko. Se Usono vere volas antaŭenigi kunlaboron kun Ĉinio, ĝi devas montri siajn strategian kuraĝon kaj praktikan agadon, efektivigi la spiriton de la lasta telefona konversacio de la du ŝtatestroj kaj bone respondi al la "demando de la jarcento". Ĉi tio ne nur konformas al la komunaj interesoj de la popoloj de Ĉinio kaj Usono, sed ankaŭ estas la ĝenerala atendo de la internacia komunumo.