Ĉina sendito urĝis Usonon nuligi ĉiujn neleĝajn sankciojn kontraŭ Irano

“Usono devas nuligi ĉiujn sankciojn kontraŭ Teherano antaŭ ol Irano povas rekomenci plenan plenumon de la Komuna Ampleksa Agadplano, konata kiel la irana nuklea interkonsento,” diris Wang Qun, ĉina sendito al la UN kaj aliaj internaciaj organizoj en Vieno marde.

“Ĉinio senŝanceliĝe konservos plu la Komunan Ampleksan Agadplanon, kaj la ŝlosilo por revivigo de la nuklea intertraktado estas, ke la usona flanko devas nuligi ĉiujn neleĝajn sankciojn kontraŭ Irano,” Wang diris post kunveno de la Komuna Ampleksa Agadplano, kiu rekomencis intertraktadon marde en Vieno.