ĈKG elsendos televidan prezentadon de Aŭtunmeza Festo per transmaraj platformoj

La televida prezentado de Aŭtunmeza Festo de Ĉina Komunikila Grupo estos elsendita ekde la 20a horo morgaŭ vespere. Estas la unua fojo, ke la televida prezentado okaze de la ĉina tradicia festo estos elsendita samtempe en aliaj landoj.

Por ke alilandanoj profunde komprenu ĉinan tradician kulturon, ĉijare Ĉina Komunikila Grupo unuafoje rekomendas la televidan prezentadon al transmaraj televidaj kanaloj. Mediatoj Sinovison de Usono, Xinflix Media de Kanado, Switch TV de Kenjo, CATV de Unuiĝintaj Arabaj Emirlandoj , Enjoy TV de Malajzio kaj aliaj elsendos la televidan programon.