Komence de marto aktivuloj lanĉis peticion por protesti kontraŭ la okazigo de internaciaj Esperanto-aranĝoj en Israelo. Ene de kelkaj tagoj la peticion, kiu alvokas al bojkoto de Israelo, subskribis pli ol 80 esperantistoj. Laŭ la iniciatinto, Israelo estas rasisma ŝtato, kaj la kampanjo celas konsciigi esperantistojn pri tio. Israelaj esperantistoj ne konsentas.