Je la 9a kaj duono matene ni ekiras de la suda stacidomo de Pekino kaj atingas Hangzhou iom post la 4a posttagmeze. Eĉ per la ĉina "kuglotrajno" ni bezonas pli ol 6 horojn por travojaĝi ankoraŭ malpli ol duonon de la tuta Ĉinio. Mi miras pri la grandeco de la lando. Plie, kiam ni proksimiĝas al Ŝanhajo mi devas konstati, ke dum unu jaro, kiun mi pasigis en Ĉinio ĝis nun, mi tute ne konatiĝis kun suda Ĉinio, kiu ŝajne komenciĝas de Ŝanhajo.