premiado de tevesta konkurso en Tetrinka Tago

Reveninte al Hangzhou ni estis kondukitaj al klasik-aspekta te-trinkejo laŭ taoisma te-ceremonio. Mi estis tute forgesinta pri la hodiaŭa tagordo, kaj miskomprenis, ke ia aranĝo devus okazi ĉi tie. Fakte ni nur lasis pezajn valizojn kaj similajn havaĵojn por iri al proksima placo, kie disvolviĝis diversaj prezentaĵoj kaj premiado por akceli la te-trinkadon inter la urbanoj de Hangzhou.