Xi ricevis plej altan ordenon de Kazaĥio
Henggang Publikigita: 2022-09-15 16:36:25

Ĉina prezidanto Xi Jinping merkrede ricevis la plej altan ordenon de Kazaĥio, la Ordeno de la Ora Aglo, de kazaĥa prezidento Kassym-Jomart Tokayev en ceremonio en Nur-Sultano, ĉefurbo de Kazaĥio.

Ricevinte la ordenon, Xi faris rimarkojn kaj priskribis, ke prezidento Tokayev donis al li la Ordenon de la Ora Aglo kiel pruvon de la granda graveco, kiun Kazaĥio donas al la rilatoj inter Ĉinio kaj Kazaĥio kaj la rezervon de bonvolo de la kazaĥa popolo al la popolo de Ĉinio.

Dum la lastaj tri jardekoj post starigo de diplomatiaj rilatoj, la rilatoj inter Ĉinio kaj Kazaĥio daŭre kreskis sur alta nivelo. Xi diris, ke la du flankoj firmigis politikan konfidon.

Kunlaboro prosperis en diversaj kampoj. Klopodoj por antaŭenigi altkvalitan kunlaboron de la Zono kaj Vojo liveris fruktodonajn rezultojn. Xi diris, ke la du flankoj ankaŭ okupiĝis pri strikta kunordigo en internaciaj aferoj.

Li ankaŭ dividis sian konvinkon, ke kun la komuna klopodo de ambaŭ flankoj, la rilatoj inter Ĉinio kaj Kazaĥio alportos pli da feliĉoj al la du popoloj.

Antaŭ ol doni la ordenon, prezidento Tokayev faris rimarkojn kaj esprimis sian kredon, ke sub la gvidado de prezidanto Xi, Ĉinio realigos la grandan celon por plene konstrui modernan socialisman landon laŭplane.

Prezidanto Xi prezentis la grandajn iniciatojn inkluzive de la Iniciato de la Zono kaj Vojo kaj la konstruado de komunumo kun komuna estonteco por la homaro, kaj faris elstarajn kontribuojn al konstruado de novtipaj internaciaj rilatoj. Tokayev diris, ke la Tutmonda Disvolva Iniciato kaj la Tutmonda Sekureca Iniciato, prezentitaj de prezidanto Xi, havas apartan strategian signifon por solvado de riskoj kaj defioj, alfrontataj de la hodiaŭa mondo.

Tokayev diris, ke Kazaĥio pretas labori kun Ĉinio por antaŭenigi komunan prosperon kaj disvolviĝon de la du landoj, liveri por la bonfarto de la du popoloj kaj kunigi manojn por krei eĉ pli brilan estontecon.

La Ordeno de la Ora Aglo estas la plej alta ordeno de Kazaĥio, aljuĝita al individuoj, por rekono de ilia signifoplena kontribuo al la nacia evoluo kaj amikaj eksterlandaj rilatoj de Kazaĥio.