Publikiĝis libro de diskursoj de Xi pri praktiko de laŭregula regado super partio
Yu Publikigita: 2022-10-08 16:35:58

Kompilaĵo de ekstraktoj el la diskursoj faritaj de Xi Jinping, ĝenerala sekretario de la Centra Komitato de la Komunista Partio de Ĉinio (KPĈ), pri praktiko de laŭregula regado super la partio estas publikigita de la Centra Partia Literatura Eldonejo.

La libro, kompilita de la Instituto de Partia Historio kaj Literaturo de la Centra Komitato de la KPĈ, kolektis 400 rilatajn partojn sub dek temoj, ekstraktitajn el pli ol 180 gravaj parolaj kaj skribaj verkoj, kiujn Xi faris inter la 15a de novembro de 2012 kaj la 17a de junio de 2022. Iuj estis unufoje publikigitaj.

Deklaro pri publikigo de la libro diris, ke de post la 18a Nacia Kongreso de la KPĈ en 2012, la Centra Komitato de la KPĈ kun kamarado Xi Jinping ĉe la kerno antaŭenigis la disvolvadon de enpartiaj reguloj kaj reglamentoj. Relative kompleta sistemo de enpartiaj reguloj formiĝis. La intenseco kaj skalo por plibonigo de enpartiaj reguloj, kaj la rimarkinda progreso en tiu kampo estis senprecedencaj.

La deklaro diris, ke la diskursoj de Xi pri la praktiko de laŭregula regado super la partio havas tre gravan signifon por ludigi la rolon de enpartiaj reguloj kaj reglamentoj en subtenado de la centralizita kaj unigita gvidado de la Centra Komitato de la KPĈ, kaj certigi la longtempan regadon super la partio kaj longtempan stabilecon de la lando.