Li Keqiang lunde partoprenis en grupa diskuto kun delegitoj el la ĉina nordokcidenta provinco Gansu, kiuj ĉeestas la 20an Nacian Kongreson de la Komunista Partio de Ĉinio (KPĈ).

Li diris, ke li donas sian eksplicitan subtenon al la raporto farita de Xi Jinping, ĝenerala sekretario de la Centra Komitato de la KPĈ, nome de la 19a Centra Komitato de la KPĈ al la Kongreso.

Li faris profundajn interŝanĝojn kun la delegitoj. Li diris, ke impresaj progresoj estis atingitaj en la afero de la partio kaj la lando dum la pasinta jardeko. Ĉi tiuj estis atingitaj per la komunaj klopodoj de la tuta partio kaj la popolo de ĉiuj etnogrupoj sub la firma gvidado de la Centra Komitato de la KPĈ kun kamarado Xi Jinping ĉe ĝia kerno kaj la gvido de la Penso de Xi Jinping pri Socialismo kun Ĉinaj Trajtoj en la Nova Erao.

Li diris, ke disvolviĝo estas la ĉefa prioritato de la partio en regado kaj rejunigo de Ĉinio. Li alvokis efike altgradigi kaj konvene vastigi la nacian ekonomion. Ĉar la ĉina ekonomio estas en renormaliga kaj suprenira tendenco, serio da kreskigaj politikoj devas esti plene efektivigita por konservi la ekonomian funkciadon ene de racia amplekso. Li diris, ke reformo kaj malfermo devas esti firme antaŭenpuŝitaj, kaj emfazis la gravecon daŭrigi reformon por disvolvi la socialisman merkatan ekonomion, krei kondiĉojn por certigi justan merkatan konkurencon, kaj antaŭenigi altnivelan malfermon.