Ĉina ĉefministro Li Keqiang marde prezidis la 21an kunvenon de la Konsilio de Registaraj Estroj de Membro-Ŝtatoj de Ŝanhaja Kunlabora Organizo (ŜKO) en Pekino kaj prezentis kvin-punktan proponon pri antaŭenigo de kunlaboro de ŜKO.

Kazaĥa ĉefministro Aliĥan Smailov, kirgiza ĉefministro Akylbek Japarov, rusa ĉefministro Miĥail Mishustin, taĝika ĉefministro Kokhir Rasulzoda, uzbeka ĉefministro Abdulla Aripov, eksteraferaj ministroj de Hindio kaj Pakistano kaj reprezentantoj de observantoj de ŜKO ĉeestis la kunvenon, kiu okazis per video-ligo.

Li diris, ke ŜKO faris gravajn kontribuojn al paco kaj stabileco en la regiono kaj al disvolviĝo kaj prospero de regionaj landoj. Li aldonis, ke en la kunveno de la Ŝtatestra Konsilio okazinta en Samarkando en la pasinta septembro, la partioj atingis novajn komunajn komprenojn pri la disvolviĝo de ŜKO.

Li diris, ke konservado de paco kaj traktado de disvolvado restas tendenco de la epoko kaj aspiroj de la popolo. Ĉinio daŭre laboros kun membroj de la familio ŜKO por profundigi politikan konfidon, kungajnan kunlaboron kaj amikajn interŝanĝojn, pledi la Ŝanhajan Spiriton kaj kune liveri pli grandajn profitojn al la popoloj de ĉiuj landoj.

Li sekve faris kvin proponojn pri antaŭenigado de kunlaboro de ŜKO:

Unue, protekti sekurecon kaj stabilecon por kreskigi solidan medion por disvolviĝo. Li diris, ke Ĉinio pretas profundigi leĝan plenumon kaj sekurecan kunlaboron kun ĉiuj partioj por liveri sekurigilojn por la ekonomia kaj socia disvolviĝo de ĉiuj landoj.

Due, vastigi komercon kaj investon por plifortigi regionan ekonomian renormaliĝon. Li diris, ke ŜKO-landoj devas kune subteni la multflankan komercan reĝimon centrigitan de la Monda Komerca Organizo, subteni disvolvadon de malferma monda ekonomio kaj plibonigi komercon kaj investan faciligon.

Trie, plifortigi konekteblecon por realigi integran disvolviĝon de la regiono. Li montris, ke estas nepre por ŜKO-landoj plue vicigi disvolvajn strategiojn, altigi la efikecon de sepago ĉe enirhavenoj kaj konservi la rezistecon kaj stabilecon de regionaj industria kaj proviza ĉenoj.

Kvare, antaŭenigi daŭripovon por konstrui fortikecon kontraŭ riskoj. Li diris, ke oni devas klopodi por plifortigi la kapablon de regionaj landoj pri provizo per nutraĵo kaj energio kaj realigi ekvilibran kaj bonordan transiron al verda kaj malaltkarbona disvolviĝo.

Kvine, plifortigi interhomajn kaj kulturajn interŝanĝojn por plifortigi la ligon inter popoloj. Li aldonis, ke ŜKO-landoj devas plene utiligi la kunlaborajn mekanismojn pri edukado, kulturo, scienco, teknologio kaj gazetaro, kaj certigi la sukceson de agadoj sub la Jaro de Turismo de ŜKO venontjare.