De kiam la Komunista Partio de Ĉinio (KPĈ), la plej granda marksisma reganta partio de la mondo, enskribis "ĉinan modernigon" en sian Konstitucion antaŭ ĉirkaŭ unu monato, la ŝlosila termino difinanta la vojaĝon de Ĉinio al rejuniĝo rikoltas tutmondan atenton.

Ĉar la mondo alfrontas senprecedencajn defiojn kaj la homaro kaj staras ĉe nova kruca vojo, la koncepto de ĉina modernigo kaj ĝia signifo estis emfazitaj en la 17a Pintkunveno de Grupo 20, kiu ĵus finiĝis en Indonezio, kaj en la 29a Kunveno de Ekonomiaj Gvidantoj de Azi-Pacifika Ekonomia Kunlaboro en Tajlando.

Modernigita Ĉinio estos ŝanco por la mondo. Ĉina modernigo estas la modernigo de pli ol 1,4 miliardoj da loĝantoj -- nombro pli alta ol la kombinita loĝantaro de ĉiuj evoluintaj landoj en la mondo hodiaŭ. Ĉinio fiksis la celon pliigi sian mez-enspezan loĝantaron al pli ol 800 milionoj en la venontaj 15 jaroj, kaj antaŭenigi la daŭran kreskon de sia supergranda merkato.

La modernigo de la plej loĝata lando de la mondo provizos per paco, grandegaj evoluŝancoj, pli verdaj tagordoj kaj aliaj tute novaj ebloj modernigon.

Unu el la difinaj trajtoj de ĉina modernigo estas paca disvolviĝo. Kiel la gvidanto de Ĉinio multfoje promesis, la lando ne paŝos sur la malnova vojo de amilito, koloniigo kaj rabado, sed anstataŭe klopodos por protekti la mondajn pacon kaj disvolviĝon dum ĝi daŭrigas sian propran disvolviĝon.

Ne povas ekzisti evoluado sen paco. En mondo plagita de regionaj tumultoj kaj konfliktoj en diversaj formoj, stabileco kaj paco estas maloftaj publikaj bonoj.

La vojo de Ĉinio al paca disvolviĝo devenas de la kulturaj genoj de la nacio, kiuj taksas pacon, kaj de profunda kompreno de la antaŭkondiĉoj por plenumi la disvolvajn celojn de Ĉinio, laŭ Liu Jianxing, vicdirektoro de la Internacia Kunlabora Centro de la Nacia Disvolva kaj Reformada Komisiono.

Unu ekzemplo de la engaĝiĝo de Ĉinio al paca disvolviĝo estas la Tutmonda Sekureca Iniciato (TSI), kiun ĝi proponis, kiu alportu novan impulson al mondpaco kaj disvolviĝo.

Ekde la lanĉo de la GSI ĉi-aprilo, la ĉina solvo al tutmondaj sekurecaj defioj akiris aprezon kaj subtenon de pli ol 70 landoj, pledante vizion de komuna, ampleksa, kunlabora kaj daŭrigebla sekureco. Ĝi klopodas por krei novan vojon al sekureco, kiu prezentas dialogon super konfrontiĝo, partnereco super alianco, kaj kungajna kunlaboro super nul-sumaj ludoj, kaj alportas pli da stabileco kaj pozitiva energio al la mondo.

Ĉina modernigo estas la modernigo de grandega loĝantaro kaj de komuna prospero por ĉiuj. La penado de la plej granda evoluanta lando de la mondo por renkonti la aspirojn de la homo al pli bona vivo signifas ankaŭ ŝancojn por la resto de la mondo.

Ciferoj parolas. La kontribuo de Ĉinio al tutmonda ekonomia kresko averaĝe estas 38,6% dum la periodo 2013-2021, pli alta ol la kontribuoj de ĉiuj landoj de Group 7 kune, laŭ datumoj de la Monda Banko.

Fremda rekta investo (FDI) en la ĉina ĉeftero en la unuaj 10 monatoj de 2022, en efektiva uzado, pligrandis 14,4% kompare kun tiu en la pasinta jaro kaj atingis preskaŭ 1,09 duilionojn da juanoj, laŭ la Komerca Ministerio.

Grandegaj investaj ŝancoj kuŝas malantaŭ la enlandaj politikoj kaj modernigo de la lando, kiel kampara vigliĝo kaj la nova disvolva paradigmo de "duobla cirkulado".

Ĉinaj gvidantoj bonvenigis landojn tra la mondo por "eniri la ekspresan trajnon de la disvolviĝo de Ĉinio". En lando, kiu ripetis, ke ĝi ne ŝanĝos sian decidon malfermiĝi je pli alta nivelo, multaj landoj, kiuj plivastigas siajn spurojn en la prosperaj tradiciaj kaj ciferecaj ekonomioj de Ĉinio, certe trovos pliajn disvolvajn ŝancojn.

Ĉina modernigo estas modernigo de harmonio inter la homo kaj la naturo.

Laŭ la Internacia Energia Agentejo, Ĉinio gvidas la mondon en la aĉeto de elektraj veturiloj, kies vendoj en Ĉinio pasintjare estis pli ol la tutmonda totalo en 2020.

La plej nova ekzemplo de la engaĝiĝo de la lando al verda disvolviĝo venis ĉe la 14a kunveno de la Konferenco de la Kontraktantaj Partioj al la Ramsar-Konvencio pri Malsek-teroj. Ĉinio promesis indiki kelkajn naciajn parkojn, kovrante ĉirkaŭ 10% de la landa areo. Ĝi ankaŭ promesis korpigi 11 milionojn da hektaroj da malsek-teroj en sian nacian parksistemon, kaj liveri bonfartojn al la popoloj ĉirkaŭ la mondo.

Per agoj por atingi karbonajn celojn, la plej granda evolulando de la mondo kompletigas la plej draman redukton de karbona emisia intenseco, kiu ne nur profitigas la amasan transiron de la ĉina ekonomio al malaltkarbona ekonomio, sed ankaŭ havas grandan signifon por la reto de la mondo.

Dum la transformiĝo kaj disvolviĝo, moderna Ĉinio provizas novajn eblecojn por ĉiam ŝanĝiĝema mondo, montrante, ke neniam ekzistas ununura granda vojo al modernigo. Kvankam la teorio de modernigo havas sian originon en la Okcidento, modernigo neniel egalas al okcidentiĝo, laŭ Chen Shuguang, profesoro ĉe la Partia Lernejo de la Centra Komitato de la KPĈ.

Kiel estis emfazite en la raporto de la KPĈ al ĝia 20a Nacia Komitato okazinta pasintmonate, ĉina modernigo ofertas al la homaro novan elekton por atingi modernigon.

Ĉina modernigo estos epokfara graveco en la homara historio. Ĉinio daŭre injektos pli da stabileco kaj certeco en turbulan mondon, kaj kontribuos sian saĝon kaj forton al la konstruado de komunumo kun komuna estonteco por la homaro.