Diversaj lokoj tra Ĉinio profunde funebras pri forpaso de Jiang Zemin
Yu Publikigita: 2022-12-02 12:43:27

La forpaso de kamarado Jiang Zemin estas netaksebla perdo al la partio, la armeo kaj la ĉina popolo de ĉiuj etnogrupoj. La amasoj kaj kadroj tra la lando profunde funebras kaj konservas memorojn pri Jiang. Ĉiuj diris, ke la granda rejunigo de la ĉina nacio estas la rezulto de la peniga laboro kaj lukto de generacioj de komunistoj, inkluzive de Jiang. Sur la vojo antaŭen, ni devas pli konscie unuiĝi ĉirkaŭ la Centra Komitato de la Komunista Partio de Ĉinio (KPĈ) kun kamarado Xi Jinping ĉe ĝia kerno, kaj labori por konstrui socialisman modernan landon en ĉiuj aspektoj kaj antaŭenigi la grandan rejunigon de la ĉina nacio.

La novaĵo pri la forpaso de Jiang profunde malĝojigis la kadrojn kaj amasojn de la lando.

Ma Dexiu, eksa sekretario de la partia komitato de la Ŝanhaja Jiaotong-Universitato, diris, ke Jiang diplomiĝis en la Ŝanhaja Jiaotong-Universitato en 1947. Hodiaŭ, kun senlima respekto, ĉiuj de la Ŝanhaja Jiaotong-Universitato konservas profundajn memorojn pri Jiang. La bonega karaktero kaj nobla konduto de Jiang ĉiam inspiros studentojn kaj instruistojn fari la Ŝanhajan Jiaotong-Universitaton mondklasa.

Zhang Hongfeng, laboreja estro de la aŭtomobila firmao FAW, diris, ke la forpaso de Jiang profunde malĝojigis lin kaj liajn kolegojn. Li diris, ke Jiang partoprenis en la grava procezo de la establo, entreprenado kaj disvolviĝo de FAW, kontribuante por reformo kaj malfermo de la nacia aŭtoindustrio. Li aldonis, ke ili plu studos kaj efektivigos la spiriton de la 20a Nacia Kongreso de la Komunista Partio de Ĉinio kaj faros novajn kaj pli grandajn kontribuojn por konstrui Ĉinion en grandan landon de manufakturado.

Hang Shuzhi, civitano de la urbo Yangzhou en la provinco Jiangsu, diris, ke Yangzhou estas la hejmloko de Jiang, kaj homoj en la urbo esprimas profundan kondolencon pro lia forpaso. Jiang kondukis la ĉinan popolon akiri gravajn disvolvajn atingojn kaj faris gravajn kontribuojn al la afero de socialismo kun ĉinaj trajtoj.

Ĉiuj opinias, ke Jiang estis elstara gvidanto kun granda prestiĝo, agnoskita de la partio, la armeo kaj la ĉina popolo de ĉiuj etnogrupoj. La bonega karaktero kaj nobla konduto de Jiang ĉiam edukos kaj inspiros nin antaŭeniri.

Our Privacy Statement & Cookie Policy

By continuing to browse our site you agree to our use of cookies, revised Privacy Policy.You can change your cookie settings through your browser.
I agree