Vintra solstico
Lucia Publikigita: 2022-12-22 14:38:51

En la unua tago de la suna termino Vintra Solstico, la tagtempo estas la plej mallonga kaj nokto estas la plej longa en jaro en la norda hemisfero. Tial ĉi tiu tago estas konata kiel la plej mallonga tago ekde antikva Ĉinio. Vintra Solstico markas la alvenon de la plej malvarma sezono en jaro.

Vintra Solstico estis unu el la plej gravaj festivaloj en la antikveco. Laŭ libro verkita antaŭ ĉirkaŭ 200 jaroj, "Vintra Solstico estas same grava kiel la Novjaro". Por la ordinaraj homoj, tio estis aŭspicia tago, kio signifas, ke la malnovo foriris kaj la novo alvenos.”

Festi Vintran Solsticon ankaŭ signifas havi bonan manĝaĵon. Homoj en Norda Ĉinio ŝatas manĝi pastaĵojn, precipe dum Vintra Solstico. Kiel oni diras, "Se vi forgesas manĝi pastaĵojn dum Vintra Solstico, viaj oreloj estos frostigitaj kaj neniu zorgos." Dum en la suda parto de ĉinio, homoj ofte manĝas pastobuletojn kaj rizkukojn. En kelkaj lokoj, homoj manĝas buleton de Vintra Solstico. Farita el faruno de glueca rizo kaj envolvita per sukero, viando, legomoj, fruktoj, pecetigita rafano, ĝi simbolas feliĉon kaj unuecon.

Kiam venas Vintra Solstico, ni scias, ke jaro baldaŭ finiĝos. Estas tempo por havi bonan manĝaĵon, sendi bondezirojn al gepatroj kaj instruistoj, kaj retrorigardi tion, kion ni atingis en la jaro. Kaj pli grave, ni devus prepariĝi por la alveno de la Novjaro!

Our Privacy Statement & Cookie Policy

By continuing to browse our site you agree to our use of cookies, revised Privacy Policy.You can change your cookie settings through your browser.
I agree