Oficialulo pri sano diris sabate, ke entute 59 938 mortoj rilataj al KOVIM-19 okazis en medicinaj institucioj tutlande de la 8a de decembro 2022 ĝis la 12a de januaro 2023.

“Entute 5 503 homoj mortis pro spira misfunkcio kaŭzita de KOVIM-19, kaj 54 435 homoj mortis pro bazaj demandoj komplikitaj de infekto per KOVIM-19,” diris Jiao Yahui, estro de la Buroo de Medicina Administracio sub la Nacia Komisiono pri Sano, en gazetara konferenco okazigita de la Komuna Preventa kaj Regada Mekanismo de la Ŝtata Konsilio kontraŭ KOVIM-19.

Jiao diris, ke la averaĝa aĝo en la tempo de morto estis 80,3 jaroj, kun ĉirkaŭ 90,1% en la aĝo de 65 jaroj kaj pli, kaj ĉirkaŭ 56,5% en la aĝo de 80 jaroj kaj pli.

Pli ol 90% de la mortoj rilatas al bazaj demandoj, inkluzive de kardiovaskulaj malsanoj, progresintaj tumoroj, cerebrovaskulaj malsanoj, spiraj malsanoj, metabolaj malsanoj kaj rena nesufiĉeco.

Jiao diris, ke vintro estas sezono kun alta ofteco de spira malsano, kaj la malvarma vetero povas pligravigi kardiovaskulajn kaj cerebrovaskulajn malsanojn inter maljunuloj. Ĉi tiuj malsanoj, kombinitaj kun infekto per KOVIM-19, kaŭzis relative grandan nombron da mortoj inter maljunuloj.

Ĉinio komencis regi KOVIM-19 per rimedoj projektitaj por kontraŭbatali infektajn malsanojn de klaso B en la 8a de januaro.

Jiao diris ankaŭ, ke en la estonteco, koncernaj datumoj estos publikigitaj ĝustatempe laŭ koncernaj kondiĉoj pri infektaj malsanoj de klaso B.