Xiaohan (Modera Malvarmo), estas dudek-tria inter la 24 sunaj periodoj. Antikvaj ĉinoj dividis vintron en plurajn sinsekvajn periodojn, ĉiu enhavanta 9 tagojn. Xiaohan en januaro proksimume respondas al 2a kaj 3a 9-tagaj periodoj, kiuj estas konsiderataj kiel la plej malvarmaj tagoj de vintro, eble eĉ pli malvarmaj ol la sekva suna periodo Dahan (Malvarmego).
Kiom malvarme estas en Xiaohan? Antaŭ pli ol jarmilo, ĉinaj poetoj rimarkis: “La antikva ĉefurbo estas enterigita en profundaj neĝblovoj; Ruliĝantaj kiel erinacoj, la bovoj kaj ĉevaloj kliniĝas malalte.”
Por infanoj, ĉi tiu suna periodo estas dediĉita al la fabela regno de neĝego.
Dum la frosta Xiaohan, homoj konsumas Laba-kaĉon, pladon de la festo Laba, kiu kutime falas en ĉi tiun sunan periodon kaj estis influita de budhismo. Krom Laba-kaĉo, homoj manĝas ankaŭ nutrajn manĝaĵojn kiel frititajn kaŝtanojn kun sukero, ŝafaĵan fonduon kaj rostitaj batatoj dum la suna periodo Xiaohan.
Antikvaj ĉinoj kredas, ke Xiaohan heroldas la interkruciĝon de vintro kaj printempo. Tradicia fenologio rivelas ke dum Xiaohan, sovaĝaj anseroj migras norden, pigoj komencas konstrui siajn nestojn, kaj fazanoj komencas sian printempan vokon. Ĉi tiuj birdoj estas inter la unuaj, kiuj sentas la alvenon de printempo.
Post la glaciaj tagoj, venas la nova jaro. Kiam ĉio ŝajnas senmova, nova vivo estas nutrita en la suna periodo Xiaohan (Negrava Malvarmo).
Lucia kaj Pankaff venas al Chagan-Lago (Chagan Hu), kiu estas lago en mongola aŭtonoma gubernio de Jilin-provinco de Ĉinio. La ĉiujara Vintra Fiŝkapta Festivalo de Chagan-Lago (kutime komenciĝas meze de decembro kaj finiĝas en la fino de la venonta januaro) estas okazigita por memori la malnovan vintran fiŝkaptan tradicion.
Chagan-Lago estas la ununura loko kiu konservas la plej malnovan mongolan fiŝkaptan metodon. En 2008, la Mongola Glacifiŝkaptado DE Chagan estis difinita kiel nacia nemateria kultura heredaĵo de Ĉinio fare de la Ŝtata Konsilio de la Ĉina Popola Respubliko.
Chagan-Lago estas la plej bona celo por via vintra feriado. Ĉi tie vi povas ĝui glacifiŝkapton, gustumi bongustan fiŝpladon, rigardi fiŝkaptadon de lokanoj kaj faris multajn belajn fotojn pri la fiŝoj, fiŝkaptistoj, sunsubiro, belaj lagaj pejzaĝoj kaj turistoj.
