Ĉinio kaj la kvin centraziaj landoj estas bonaj najbaroj, bonaj partneroj, bonaj amikoj kaj bonaj fratoj, kiuj havas komunan destinon. La Ĉina-Centrazia Pintkunveno okazis en Xi'an, Ĉinio, de la 18a ĝis la 19a de majo. Ĝi desegnis novan skizon por la rilatoj inter Ĉinio kaj centraziaj landoj kaj helpos konstrui pli proksiman ĉinan-centrazian komunumon de komuna estonteco.
Komence de 2022 okazis la videa pintkonferenco pri la 30a datreveno de la starigo de diplomatiaj rilatoj inter Ĉinio kaj la kvin centraziaj landoj, kaj naskiĝis la kunlabora mekanismo inter Ĉinio kaj centraziaj landoj.
La Centra Azio estas loko kie la iniciato "Zono kaj Vojo" estis proponita
La Centra Azio estas la loko kie la iniciato "Zono kaj Vojo" estis proponita, kaj ĝi estas ankaŭ unu el la ĉefaj regionoj, kie la komuna konstruado de la Zono kaj Vojo atingis fruan rikolton.
En 2022, la komerca sumo inter Ĉinio kaj la kvin centraziaj landoj atingis 70,2 miliardojn da usonaj dolaroj. Ĝis la fino de 2022, la totala rekta investo de Ĉinio en la kvin centraziaj landoj kalkuliĝis al preskaŭ 15 miliardoj da usonaj dolaroj.
Agrikultura kunlaboro inter Ĉinio kaj Kazaĥio alportas avantaĝojn
La ĉina-kazaĥa kunlaboro en produktkapablo akcelis industriigon en Kazaĥio kaj liveras bonan demonstron kaj modelon por ke Ĉinio realigu kunlaboron en produktkapablo kun landoj laŭ la Zono kaj Vojo.
Kun la listo de kunlaboro, kiu inkluzivas 52 projektojn valorantajn pli ol 21,2 miliardojn da dolaroj, Ĉinio kaj Kazaĥio plenumis plurajn gravajn strategiajn projektojn, kiel la 100-megavata ventoenergia centralo Zhanatas, la aŭtofabriko JAC kaj la modernigo de la Naftorafinejo Shymkent.
Ĉinio kaj Kazaĥio ankaŭ starigis kunlaboran fonduson por financi projektojn
En 2014, unu jaron post kiam la Iniciato Zono kaj Vojo estis proponita, Kazaĥio fariĝis la unua lando, kiu atingis interkonsenton kun Ĉinio pri "produktkapabla kunlaboro de la Zono kaj Vojo". Ĉinio kaj Kazaĥio ankaŭ starigis fonduson de 2 miliardoj da dolaroj por duflankaj produktkapabla kunlaboro por financi projektojn, kiuj akcelas la industrian disvolviĝon de Kazaĥio, kreos laborpostenojn kaj stimulos lokan disvolviĝon.
Ĉinio-Centra Azio: 'Prezidenta Projekto No.1' en kunlaboro de Zono kaj Vojo
La tunelo Qamchiq, longa je 19,2 kilometroj, estas la plej longa tunelo en Uzbekio kaj la Centra Azio. Ĝi estas ankaŭ miraklo en la historio de tunela konstruado, konata kiel "Prezidenta Projekto No.1" en kunlaboro de la Zono kaj Vojo.
Vojaĝo de Fergana en orienta Uzbekio al ĉefurbo Taŝkento bezonis trairi longan kaj penigan vojon tra najbara lando Taĝikio aŭ danĝera montdeklivan veturadon. Nun la vojaĝo daŭras nur tri horojn, reduktante vojaĝdaŭron je ses horoj.
La konstruado estis finita ses monatojn pli frue ol planite - ritmo de laboro poste estis laŭdita kiel "ĉina rapideco" fare de lokuloj. Simila tunelo, longa je 57 kilometroj, Gotthart Base tunelo en Svislando, daŭris 17 jarojn por finiĝi.
Ĉina prezidanto Xi Jinping kaj tiama uzbeka prezidento Islam Karimov kune ĉeestis la malferman ceremonion de la fervojlinio Angren-Pap per videoligo en Taŝkento, la 22an de junio 2016
Tiama uzbeka prezidento Islam Karimov alte laŭdis la projekton kaj la ĉinajn laboristojn en sia novjara parolado de 2016 kaj en januara kabineta kunveno pri la ekonomia situacio.
Renkontiĝo kun Akhal-Teke, la plej purrasa ĉevalo en Turkmenio
Rigardu, Lucia, Pankaff kaj Panfufu vizitas Akhal-Teke, la plej purrasan ĉevalon de la mondo en Turkmenio.
Estas nur ĉirkaŭ 3 000 de ĉi tiu raso en la mondo. La ĉevalo estas distingiĝa pro siaj reproduktado, rapideco, eltenemo kaj eleganteco.
Ĉi tiu unika raso aĝas ne malpli ol trimil jarojn. Akhal-Teke estas rekta posteulo de la ĉevaloj Massagetae, Bactrians kaj Alans, kiuj estis famaj en antikveco. En antikva Persio tiuj ĉevaloj estis konataj kiel Nisaean kaj plurajn jarcentojn poste kiel Parthian, sed ili ĉiam estis rigardataj kiel la plej bonaj en la mondo.
Ĉina prezidanto Xi Jinping kaj ŝtatestroj de kvin centr-aziaj landoj anoncis vendrede la oficialan starigon de mekanismo pri kunvenoj inter la ŝtatestroj de Ĉinio kaj centr-aziaj landoj.
La anonco estis farita en Xi'an, kie la Ĉina-Centrazia Pintkunveno okazis ĵaŭde kaj vendrede. Kaj la venonta pintkunveno okazos en Kazaĥio en 2025.
Kaj Zono kaj Vojo estas la plej forta ligilo solidigi kunlaboron inter Ĉinio kaj Centrazio. La kvin centraziaj landoj diris, ke ili fortigos ligon de la iniciato Zono kaj Vojo kun propraj iniciatoj kaj disvolvaj strategioj. En komuna deklaracio inter Ĉinio kaj Kazaĥio, la du flankoj konsentis esplori eblecon por konstrui la trian translandan trajnon kaj akceli fervojhavenojn. Ŝtatestroj de Ĉinio kaj Kirgizio parolis kiel eble plej frue komenci konstruon de la fervojo Ĉinio-Kirgizio-Uzbekio dum ilia interparolo. Tiuj interligoj estas nuntempaj “silkaj vojoj”, kio subtenas ekonomian evoluon kaj akcelas reciprokan komprenon.
