Ĉinio volas labori kun Japanio por profundigi malaltkarbonan kunlaboron
Yu Publikigita: 2023-02-12 15:42:36

Altranga ĉina oficialulo diris sabate, ke Ĉinio volas labori kun Japanio por plue antaŭenigi kunlaboron en verda disvolviĝo.

He Lifeng, estro de la Nacia Komisiono pri Disvolviĝo kaj Reformo, faris la rimarkojn en tonika parolado al la 16a Ĉina-Japana Ampleksa Forumo pri Ŝparado de Energio kaj Protekto de Medio.

Li diris, ke kunlaboro en malaltkarbonaj industrioj kaj teknologioj estos intensigita, dum dialogoj pri rilataj politikoj kaj interpopolaj interŝanĝoj plifortiĝos.

Li diris, ke Ĉinio akcelos karbonan kulminon kaj karbonan neŭtrecon, kaj samtempe ĝi rapidigos la verdan transformiĝon de sia disvolvado, antaŭenigos la preventon kaj traktadon de poluado kaj plifortigos ŝparadon de energio.

La forumo, okazigita interrete kaj eksterrete en Pekino, estas kunorganizita de la Nacia Komisiono pri Disvolviĝo kaj Reformo, la Ministerio pri Komerco, la japana Ministerio pri Ekonomio, Komerco kaj Industrio kaj la Japana-Ĉina Ekonomia Asocio.

Our Privacy Statement & Cookie Policy

By continuing to browse our site you agree to our use of cookies, revised Privacy Policy.You can change your cookie settings through your browser.
I agree