84,8% de respondantoj en tutmonda opinisondo diris, ke neniu speco de demokratio estas supera al alia, kaj la plej bona formo de demokratio estas tiu, kiu konvenas al la aktualecoj de lando.

La opinisondo, titolita "Tutmonda Demokratia Sistemo", estis okazigita de la pensfabriko de CGTN (Ĉina Tutmonda Televida Reto) kaj la Ĉina Instituto pri Publika Opinio de Renmin-Universitato de Ĉinio. Entute 3 776 homoj el 35 landoj, inkluzive de Usono, Francio, Namibio kaj Pakistano, estis enketitaj.

Rezultoj de la opinisondo montras, ke la respondantoj donis altan prioritaton al bazaj homaj rajtoj, kiel rajto al ekzistado kaj disvolviĝo.

Kio estas la prioritato de demokratio?

40,7% de la respondantoj rigardis la "bazan rajton vivi" kiel la plej altan prioritaton de demokratia sistemo, sekvitan de la rajto al laŭleĝa regado, aŭ "egaleco por ĉiuj", kiu akiris la subtenon el 29,3% de la respondantoj.

"Ekonomia disvolviĝo" kaj "plibonigo de vivnivelo" okupis la trian kaj kvaran lokojn respektive, per la subteno de 29% kaj 28,4% de la respondantoj, kiuj elektis ilin por esti la objekto de demokratio.

Tutproceza popola demokratio tre aplaŭdita

Ĉinio ĉiam insistis, ke demokratio ne estas ornamaĵo por montrado, sed instrumento por traktado de la demandoj, kiuj koncernas la popolon. Dum la pasintaj jardekoj, Ĉinio amplekse antaŭenigis la konstruadon de la tutproceza popola demokratio, atingante vastan kaj daŭran partoprenon de la granda plimulto de la popolo. La tutproceza popola demokratio certigas, ke disvolviĝo estu por la popolo kaj de la popolo kaj ke ĝiaj fruktoj estu dividitaj de la popolo.

La kerno de ĉi tiu tutproceza popola demokratio ankaŭ estis ĝenerale agnoskita en la opinisondo. Entute 88,3% de la respondantoj diris, ke demokratio devas esti la maniero por ke registaraj gvidantoj konformiĝu al la volo de la popolo, servu la popolon kaj submetiĝu al la kontrolo de la popolo. Ĉi tiu opinio estis tenata de 91,2% de la respondantoj en nordamerikaj landoj.

Samtempe, 81,5% de la respondantoj diris, ke demokratio devas kovri ĉiujn aspektojn de la popola vivo, kaj ĉiuj publikaj aferoj devas esti solvitaj demokratie.

Cetere, 86,7% de la respondantoj diris, ke demokratiaj institucioj devas konsideri la interesojn de ĉiuj homoj anstataŭ specifajn interesgrupojn. Precipe, la legitimaj zorgoj pri malavantaĝaj kaj marĝenigitaj grupoj devas esti traktataj kaj iliaj kanaloj de partopreno larĝigitaj.

Krome, 87,3% de la respondantoj emfazis ambaŭ demokratiajn elektojn kaj post-elektan regadon.