Posttagmeze de la 31 de marto en Granda Popola Halo ĉina ŝtata prezidanto Xi Jinping intervidiĝis kun malajzia ĉefministro Dato' Seri Anwar bin Ibrahim faranta oficialan viziton al Ĉinio.

Xi Jinping montris, ke la amikeco inter Ĉinio kaj Malajzio havas longan historion, kaj la disvolvo de la dulandaj rilatoj ĉiam estis ĉe la fronto de la regionaj landoj. Ĉi-jare estas la 10-a datreveno de la establiĝo de ĉina-malajzia ampleksa strategia partnereco, kaj venontjare estos la 50-a datreveno de la establiĝo de la diplomatiaj rilatoj inter la du landoj. Dum la vizito de Anwar, la du flankoj atingis konsenton pri kune konstruado de ĉina-malajzia komunumo kun komuna estonteco, kio certe malfermos novan ĉapitron en la historio de la dulandaj rilatoj. La du flankoj devas fari ĝeneralajn planojn por antaŭenigi la disvolvon de rilatoj en la sekva etapo kaj kunlaboron en diversaj kampoj, antaŭenigi la stabilecon kaj pluan disvolviĝon de la rilatoj inter Ĉinio kaj Malajzio kaj injekti novan impulson al la prospero kaj disvolviĝo de la du landoj kaj la regiono.

Anwar diris, ke li vizitas Ĉinion kiel vera amiko de Ĉinio kun sincera amikeco al Ĉinio. La malajzia popolo sincere admiras la grandajn atingojn de Ĉinio. Prezidanto Xi Jinping estas granda politikisto kun monda influo, li ne nur ŝanĝis la procezon de la historia disvolviĝo de Ĉinio, sed ankaŭ alportis esperon pri paco kaj disvolviĝo de la mondo. Prezidanto Xi Jinping havas profundan komprenon kaj antaŭvidon de la internacia situacio, kaj liaj tutmondaj sekurecaj iniciatoj, tutmondaj disvolvaj iniciatoj kaj tutmondaj civilizaciaj iniciatoj estas tre antaŭvidaj. La koncepto konstrui komunumon kun komuna estonteco por la homaro estas tre kongrua kun la koncepto de "Prospera Malajzio" proponita de la malajzia registaro. La malajzia flanko volas plene kunlabori kun la ĉina flanko por antaŭenigi la efektivigon de koncernaj iniciatoj kaj antaŭenigi kunlaboron en la komuna konstruado de la "Zono kaj Vojo". Malajzio volas kunlabori kun Ĉinio por plifortigi la dulandajn ekonomiajn kaj komercajn kunlaborojn kaj la konstruadon de "du landoj, du ĝardenoj", lerni el la sperto de Ĉinio pri redukto de malriĉeco kaj plifortigi kunlaboron en areoj kiel agrikultura modernigo. Ĉinaj entreprenoj bonvenas investi kaj kunlabori en Malajzio. La libereco de religia kredo kaj moskeoj de ĉinaj islamanoj estas bone protektataj. La malajzia flanko volas profundigi interŝanĝojn kaj dialogojn inter civilizacioj kun la ĉina flanko. Ĉinio neniam invadis aliajn landojn en la historio. Lastatempe Ĉinio sukcese faciligis la saudarabia-iranan dialogon en Pekino, kio denove pruvas la konstruivan rolon de Ĉinio por antaŭenigi pacon. La malajzia flanko kontraŭbatalas tendaran konfrontiĝon kaj devigita elekti flankojn. Kiel sendependa forto, la Asocio de Sudorientaziaj Landoj ludos pozitivan rolon por malhelpi la eskaladon de streĉiĝo en la regiono.