Ĉina ĉefministro Li Qiang renkontiĝis kun Yoshimasa Hayashi, japana ministro por eksterlandaj aferoj, en Pekino dimanĉe.

Li diris, ke Ĉinio kaj Japanio estas proksimaj najbaroj kaj gravaj aziaj landoj, kaj konservi kaj disvolvi ĉina-japanajn rilatojn profitigas ne nur la fundamentajn interesojn de la du popoloj, sed ankaŭ pacon, stabilecon kaj prosperon de la regiono.

Ĉi tiu jaro markas la 45an datrevenon de la subskribo de la Ĉina-Japana Traktato de Paco kaj Amikeco.

Li alvokis la du flankojn reekzameni kaj observi la principon de la traktato por firme disvolvi longdaŭrajn ĉina-japanajn rilatojn de paco kaj amikeco.

Li alvokis la japanan flankon preni la 45an datrevenon de la subskribo de la traktato kiel oportunon por renkonti Ĉinion duonvoje, plibonigi komunikadon kaj kunlaboron, konvene trakti malkonsentojn, forigi disrompajn riskojn kaj plu vastigi la pozitivan flankon de duflankaj rilatoj por kune konstrui rilatojn, kiuj plenumas la postulon de la epoko. Li atentigis, ke gravaj demandoj de principo, kiel historio kaj la tajvana demando, estas angulŝtonoj de la politika fundamento de la ĉina-japanaj rilatoj, kiuj bezonas sinceran, amikan kaj zorgeman traktadon.

Hayashi diris, ke Japanio volas labori kun Ĉinio por preni la 45an datrevenon de la subskribo de la Ĉina-Japana Traktato de Paco kaj Amikeco kiel oportunon por efektivigi la gravan konsenton atingitan de la gvidantoj de la du landoj, konservi altnivelajn interŝanĝojn, kaj daŭrigi dialogon kaj komunikadon por konstrui konstruivajn kaj stabilajn duflankajn rilatojn.