Yiwu, troviĝanta en orienta Ĉinio, estas konata kiel la "monda superbazaro". Sur la alia flanko de la eŭrazia kontinento, Madrido de Hispanio estas la plej granda distribua centro de malgrandaj varoj en Eŭropo. En 2014, la ĉina-eŭropa kargotrajna itinero inter la du urboj estis malfermita. Ĝi kunligas la provizajn kaj konsumajn finojn de la eŭrazia kontinento, kaj servas ankaŭ al pli ol 160 urboj en pli ol 50 landoj laŭ la itinero.

Donitaĵoj de la Ministerio pri Komerco montris ĵaŭde, ke la servokomerca sumo de Ĉinio daŭre pliiĝis en la unuaj du monatoj de 2023.

Laŭ la ministerio, la komerca sumo kalkuliĝis al ĉirkaŭ 969,6 miliardoj da juanoj (ĉirkaŭ 141 miliardoj da usonaj dolaroj) en la periodo de januaro ĝis februaro, kreskante je 1,7% kompare kun la sama periodo de la lasta jaro.

Serva importado kreskis je 14,7% kompare kun la sama periodo de la lasta jaro ĝis 557,3 miliardoj da juanoj en la periodo, dum serva eksportado sumiĝis je pli ol 412,3 miliardoj da juanoj, malkreskante je 11,8% kompare kun la sama periodo de la lasta jaro, kun malfavora saldo de 144,9 miliardoj da juanoj.

La donitaĵoj montris, ke komerco en sci-intensaj servoj atingis preskaŭ 406,9 miliardojn da juanoj en la periodo de januaro ĝis februaro, pliiĝante je 6,4% kompare kun la sama periodo de la lasta jaro.

Laŭ la ministerio, vojaĝaj servoj atingis rimarkindan renormaliĝon dum la periodo. La komerco en ĉi tiu sektoro pliiĝis je 39,8% kompare kun la sama periodo de la lasta jaro ĝis pli ol 209,4 miliardoj da juanoj.