Tera haveno ĉe ĉina-nepala landlimo rekomencis dudirektan komercon
Yu Publikigita: 2023-05-01 18:47:51

Zham, tera haveno ĉe la ĉina-nepala landlimo, rekomencis dudirektan varkomercon lunde.

Tri kamionoj portantaj varojn kun valoro de pli ol 100 000 juanoj (14,442 usonaj dolaroj) atingis la havenon el Nepalo, markante la rekomencon de la dudirekta komerco de la tera haveno en la urbo Xigaze en la Tibeta Aŭtonoma Regiono, sudokcidenta Ĉinio.

Zham estis devigita ĉesigi servon post kiam fortega tertremo trafis Nepalon en 2015, kiu detruis vojojn, pontojn kaj instalaĵojn ĉe la haveno. En 2019, ĝi estis parte remalfermita por permesi eksportojn al Nepalo.

En la unua trimestro de ĉi tiu jaro, pli ol 17 000 tunoj da varoj valoraj je 249 milionoj da juanoj estis eksportitaj tra la haveno.

Peng Yihao, partia vicestro de Xigaze, diris, ke la rekomenco de dudirekta varkomerco tra la haveno ne nur helpos akceli eksteran komercon en Xigaze, sed ankaŭ alportos avantaĝojn al Tibeto por pli altnivela malfermo.