Ĉina ŝtatkonsilanto kaj ministro pri eksterlandaj aferoj Qin Gang marde inspektis la ĉina-birman landliman regionon en la ĉina sudokcidenta provinco Yunnan, urĝante klopodojn konservi landliman stabilecon kaj akceli duflankan amikecon kaj kunlaboron.

Qin diris, ke Yunnan situas ĉe la fronto de laboro kun Birmo kaj ludas unikan rolon por antaŭenigi ĉina-birmajn rilatojn. Li alvokis administri la landlimon inter Ĉinio kaj Birmo sub la subteno de leĝo kaj plifortigi la lernadon kaj efektivigon de la Nacia Landlima Leĝo de Ĉinio.

“Ni ankaŭ devas plibonigi kunlaboron inter la partio, registaro, polico, armeo kaj civiluloj por plifortigi la landliman sekurecon, konservi la landliman stabilecon kaj bati translandajn krimojn,” li diris, emfazante kunordigon de landlima administrado, landlima komerca disvolviĝo kaj duflankaj rilatoj. Li aldonis, ke ni devas akceli konstruadon de translandaj ekonomiaj kunlaboraj zonoj, antaŭenpuŝi konstruadon de la ĉina-birma ekonomia koridoro kaj akceli ekonomian kaj socian disvolviĝon de ambaŭ landoj .

Qin akcentis, ke sub la gvidado de la Centra Komitato de la Komunista Partio de Ĉinio, ni devas doni plenan ludadon al la unikaj avantaĝoj de Yunnan, fari bonan laboron en lokaj eksterlandaj aferoj, konservi pacon kaj trankvilon sur la landlimo kaj protekti la ĝeneralan situacion de amikeco inter Ĉinio kaj Birmo.