Doktoro Henry Alfred Kissinger, plej bone konata ŝtata sekretario en la usona historio, ĵus festis sian centan naskiĝtagon. Antaŭ tio, nove instalita ĉina ambasadoro al Usono renkontiĝis kun li kaj esprimis la gratulojn de Ĉinio okaze de lia naskiĝtago. Tio reflektas la ĉinan kulturan tradicion alte ŝati amikecon kaj ankaŭ esprimas dankon kaj respekton al ĉi tiu malnova amiko de la ĉina popolo, kiu kontribuis al la disvolviĝo de ĉina-usonaj rilatoj.

En la centjara diplomatia kariero de Kissinger, la sekreta vizito al Pekino en 1971 estis la plej rimarkinda okazaĵo. Tiutempe, Kissinger laboris kun tiamaj gvidantoj de Ĉinio kaj Usono por antaŭenigi normaligon de rilatoj inter la du landoj kun malsamaj naciaj kondiĉoj. Ĉi tiu pionira ago nun ankoraŭ havas gravan influon sur Ĉinion, Usonon kaj la mondon. Pli ol 50 jaroj pasis, kaj la politiko de Ĉinio al Usono restas konsekvenca. Tamen en la lastaj jaroj, Usono, pro sia malĝusta kono pri Ĉinio, konstante rigardis Ĉinion kiel sian ĉefan rivalon kaj longtempan defion, kio deviigis la duflankajn rilatojn kaj estigis maltrankvilon en la mondo.

“En la hodiaŭa vera multpolusa mondo, pragmata sinteno de Kissinger estas pli bezonata ol iam ajn antaŭe," komentis la usona gazeto Time antaŭ nelonge. Kiam ĉina-usonaj rilatoj denove estas ĉe la vojkruciĝo, estas tre necese, ke la decidfara teamo de la Blanka Domo lernu kaj ĉerpu la diplomatian saĝon de ĉi tiu centjarulo.

Unue, ni devas racie kaj pragmate kompreni la naciajn interesojn de Usono per realisma perspektivo. Sendube, tiam Kissinger akcelis rompon de la glacio de ĉina-usonaj rilatoj surbaze de la naciaj interesoj de Usono. Sed kial fervora defendanto de usonaj naciaj interesoj samtempe povas esti malnova amiko de la ĉina popolo? Ĉi tio devas mencii la apartan etikedon de "realismo" en la diplomatia kariero de Kissinger. La senco de ĉi tiu etikedo estas meti naciajn interesojn super ideologion, precize kapti la disvolviĝon de internaciaj rilatoj kaj ellabori eksterlandajn strategiojn racie kaj pragmate. Ĝuste sur ĉi tiu bazo, li rekomendas kontakton kaj kunlaboron kun Ĉinio por starigi reciprokprofitajn ĉina-usonajn rilatojn, kaj opinias, ke tio konformas al la interesoj de Usono.