Ĉina prezidanto Xi Jinping merkrede sendis gratulleteron al la Forumo pri Tutmonda Regado pri Homaj Rajtoj.

Xi diris en sia letero, ke en tempo de severaj defioj alfrontantaj la tutmondan regadon de homaj rajtoj, Ĉinio staras por protekti homajn rajtojn kun sekureco, respektante la suverenecon kaj teritorian integrecon de ĉiuj landoj, alvokante ĉiujn landojn sekvi la vojon de paca disvolvado, kaj efikigi la Tutmondan Sekurecan Iniciaton.

Xi diris, ke Ĉinio proponas antaŭenigi homajn rajtojn kun disvolviĝo, efikigi la Tutmondan Disvolvan Iniciaton kaj certigi justan rajton de homaj rajtoj por homoj de ĉiuj landoj per modernigaj vojoj kun propraj trajtoj.

Xi aldonis, ke Ĉinio staras por antaŭenigi homajn rajtojn kun kunlaboro en la spirito de reciproka respekto kaj egaleco, efikigi la Tutmondan Civilizacian Iniciaton kaj profundigi interŝanĝojn kaj reciprokan lernadon inter civilizacioj.

Xi emfazis, ke prenante la popolon super ĉio, Ĉinio sekvis disvolvan vojon de homaj rajtoj, kiu sekvas la tendencon de la tempoj kaj konvenas al ĝiaj naciaj kondiĉoj, plifortigante homrajtan protekton en la progreso de ĉina modernigo.

Xi diris, ke Ĉinio pretas kunlabori kun la resto de la mondo por agi laŭ la principoj enskribitaj en la Viena Deklaracio kaj Programo de Agado, antaŭenpuŝi pli grandan justecon, racion kaj inkluzivecon en tutmonda regado de homaj rajtoj kaj antaŭenigi la disvolviĝon de la homa komunumo kun komuna estonteco.