La Ministerio pri Komerco de Ĉinio diris lunde, ke Ĉinio firme oponas kaj forte kondamnas la akuzojn de Usono kontraŭ ĉinaj entreprenoj pri fentanil-rilataj demandoj.

La ministerio diris, ke tio estas tipa ago de unuflanka tiraneco fare de Usono por kontraŭleĝe akiri la tiel nomatajn pruvojn per "logkapta agado" kaj komenci la akuzojn.

Ĝi diris, ke Ĉinio ĉiam strikte plenumas kontraŭnarkotaĵajn politikojn, kaj ĝi la unua en la mondo listigis fentanil-rilatajn substancojn kiel klason. Ĉinio firme defendos la legitimajn rajtojn kaj interesojn de ĉinaj kompanioj.