Ĉina prezidanto Xi Jinping postulis, ke aŭtoritatoj ĉe ĉiuj niveloj devas doni plej altan atenton al garantio de la sekureco de homoj kaj iliaj posedaĵoj, kaj klopodi por malaltigi diversajn perdojn dum la okazo de naturaj katastrofoj.

Xi, ankaŭ ĝenerala sekretario de la Centra Komitato de la Komunista Partio de Ĉinio kaj prezidanto de la Centra Milita Komisiono, faris la rimarkojn en grava instrukcio post kiam daŭra pluvego trafis regionojn inkluzive de la urbo Chongqing de sudokcidenta Ĉinio, kaŭzante gravajn perdojn de homoj kaj posedaĵoj.

Li postulis la Ŝtatan Ĉefsidejon pri Inundopreventado kaj Kontraŭsekeco kaj la ministeriojn pri krizregado kaj akvoresursoj plifortigi kunordigon, plifortigi konsulton kaj esploradon, kaj plibonigi fruajn avertojn kaj prognozojn.

Xi substrekis, ke gvidaj oficistoj je ĉiuj niveloj devas ekgvidi batalon kontraŭ inundoj, meti la sekurecon kaj posedaĵon de la homoj en la unua loko kaj klopodi por minimumigi ĉiajn perdojn.