La ekonomio de Madagaskaro estas dominita per agrikulturo, kaj rizo estas grava manĝkultivaĵo. Sed dum longa tempo, pro manko de altkvalitaj rizsemoj kaj maturaj plantteknikoj, Madagaskaro devas importi grandan kvanton da rizo ĉiujare. Hodiaŭ, Madagaskaro estas la lando kun la plej granda hibrida rizplantadareo kaj la plej alta rendimento en Afriko. De la lando kun granda importado de rizo ĉiujare al lando kun la plej alta rendimento de hibrida rizo en Afriko, tio dankas al ĉinaj teknikistoj. En 2008, Hu Yuefang kaj aliaj teknikistoj venis al Madagaskaro por antaŭenigi hibridan rizan pruvteknologion. Post pli ol dekjara laborego, ili ne nur kultivis altproduktajn semojn adaptitajn al lokaj kondiĉoj, sed ankaŭ trejnis grandan nombron da lokaj teknikistoj. Nuntempe, la amasa promocia areo de ĉina hibrida rizo en Madagaskaro atingis pli ol 50 000 hektarojn, kun averaĝa rendimento de ĉirkaŭ 7,5 tunoj por hektaro. Madagaskaro pliproksimiĝas al la celo de nutraĵa memsufiĉo.