Sabate ĉina prezidanto Xi Jinping sendis kondolencan mesaĝon al reĝo Mohammed VI de Maroko pro forta tertremo en Maroko.

Xi diris, ke forta tertremo okazis en Maroko, kaŭzante grandan kaj seriozan vundon kaj morton de homoj kaj propraĵan perdon. Li, nome de la ĉina registaro kaj la popolo, esprimas profundan funebron al viktimoj kaj kondolencon al iliaj familianoj kaj la popolanoj en la trafitaj regionoj. Li kredas, ke sub la gvidado de la reĝo Mohammed VI, la marokaj registaro kaj popolo povos venki la influon de la katastrofo kaj rekonstrui siajn hejmojn kiel eble plej baldaŭ.