Ĉina prezidanto Xi Jinping postulis klopodojn konstrui la ĝeneralajn oficejojn de komitatoj kaj registaroj de Komunista Partio de Ĉinio (KPĈ) en modelajn organojn, kiujn la Partio povas fidi kaj kiuj povas kontentigi la popolon.

Xi, ankaŭ ĝenerala sekretario de la Centra Komitato de la KPĈ kaj prezidanto de la Centra Milita Komisiono, faris la rimarkojn en lastatempa instrukcio pri la laboro de la ĝeneralaj oficejoj en la nova epoko.

Xi diris, ke la ĝeneralaj oficejoj de la komitatoj kaj registaroj de la Partio ludas specialan kaj signifan rolon en la rega sistemo de la Partio kaj la lando kaj portas gravajn respondecojn.

Xi diris, ke en la nova vojaĝo, la ĝeneralaj oficejoj devas firme subteni la centralizitan kaj unuecan gvidadon de la Centra Komitato de la KPĈ kaj ĉiam atente sekvi la Centran Komitaton de la KPĈ en penso, politika sinteno kaj agado.

Li urĝis la ĝeneralajn oficejojn ludi pli bonan rolon kiel la konsilistoj kaj asistantoj de partiaj komitatoj kaj registaroj, kaj fari novajn kaj pli grandajn kontribuojn por konstruo de Ĉinio en fortan landon kaj al la granda rejuniĝo de la ĉina nacio.